A Plataforma Nunca Máis quere
saudar a XVII edición do Festival da Poesía
en Salvaterra do Miño, do 3 ao 6 de setembro, que
neste edición terá como protagonistas os berros
de Nunca Máis e Non á guerra, baixo o lema
“ verbas para non esquecer”, polo que é
unha mostra máis de que continúa a plena vixéncia
deste berro, da resposta social que o acompañou,
e actos como este son unha mostra máis de que a dignidade
galega e a resisténcia continúan presentes.
Do 3 ao 6 de Setembro Salvaterra do Miño terá
moitas actividades na que o Nunca Máis estará
presente; desde a exposición do Coléxio Profesional
de Xornalistas Galegos sobre a catástrofe do Prestige,
proxectarán-se audiovisuais galegos sobre este tema;
e tamén concertos e un festival poético-musical
apresentado por Carlos Blanco, no que participarán
Manuel Rivas, Marcos Abalde, Samuel Solleiro, Roi Vidal,
Salvador Calderón, Daniel Salgado, Eugenio Outeiro,
Kiko Neves, Estevo Creus, Brais González, Asun Arias,
Fátima Peón, Margarita Ledo, Miguel Anxo Fernanvello,
Jon Etxeandia, Ana Silvia Faria e José C. Lima.
|
