Sociedade Cultural e Desportiva do Condado
Correio Electrónico E-mail
|
 Voltar à página principal Principal
30 anos em galego
SCD CONDADO
:: Quem somos
:: XXIII Festival
:: História
:: Arquivo Gráfico
:: Livros editados
:: Notícias
:: Contacto
:: Textos
Voltar a Notícias
a segunda parte do festival será o 9 de outubro
Chova ou nom chova, a festa continua!

Os concertos que tivêrom que ser suspendidos polas condiçons climatológicas terám por fim lugar em Salvaterra. O Festival da Poesia ainda nom rematou, e volve o vindeiro dia 9 de Outubro coa música da Xistra, Mercedes Peón, A Matraca Perversa e Aché. Chova ou nom chova, celebraremos de novo a festa polas liberdades, que nesta ocasiom oferece um recital poético com novos protagonistas.

A segunda parte complementa-se cum pequeno recital no que estarám Viale Moutinho, Carlos Quiroga, Kiko Neves, Xosé Álvarez Cáccamo, Brais González e Daniel Salgado. Para assegurar o tempo nom nubre a festa, desta vez o cenário será o do pavilhom Municipal de Salvaterra, a partir das nove da noite.


Continua a 18ª ediçom do Festival da Poesia no Condado. Nesta ocasiom, menos poesia e mais música. Toda a que nom se puido desfrutar o passado 4 de Setembro, quando a tronada impedia que se realizasse o festival programado. Cai do cartaz Terrakota, e sobe Aché, sexteto cubano. Com chúvia ou sem ela, apresentará umha vez mais o actor Carlos Blanco, levando um fio de humor por entre o recital de Viale Moutinho, Carlos Quiroga, Kiko Neves, Xosé Álvarez Cáccamo, Brais González e Daniel Salgado, e as músicas da Xistra (que apresenta o espectáculo Irreal Banda de Gaitas Xistrália), Mercedes Peón, A Matraca Perversa e Aché.

Esta segunda parte começará às nove da tarde do vindeiro sábado 9 de Outubro no Pavilhom de Salvaterra. A entrada, de balde como sempre, e a festa, também como sempre, garantida.

Lembremos que as actuaçons musicais previstas para a data do festival tivêrom que ser suspendidas pola forte tronada aa tarde do sábado. Ainda assi, o recital poético tivo lugar nas Covas de Dona Urraca. Os gaiteiros da Xistra e espontáneos com instrumentos amenizárom o resto da noite e da madrugada, achegando a necessária festa que permitiu superar com éxito a tronada.

 

Voltar a Notícias

Voltar a Principal
XXIII Festival da Poesia no Condado



 SCD CONDADO - 2010