|
- Em 1993 um grupo de amigos falamos da possibilidade de criar
umha associaçom de acçom social de base em Lugo,
de carácter reintegracionista, ao que demos o nome de 'Colectivo
Reintegracionista ALTO MINHO'. Chegamos aos 10 membros e em
Dezembro de 2000 contactamos com um grupo de pessoas que, desde
havia tempo, também vinham trabalhando nesta cidade a prol
da língua e a cultura da nossa nacionalidade. Assim o 7
de Fevereiro de 2001 constitui-se com 27 pessoas a Associaçom
Cultural ALTO MINHO, sendo legalizada o 4 de abril de esse mesmo
ano. Uns meses mais tarde, o 25 de abril inauguramos o nosso local
social, o qual vai estar a disposiçom de todas as pessoas
e associações cuja finalidade seja cultural e/ou
social.
- A Associaçom Cultural Alto Minho, em consonância
com a mais nítida tradiçom galeguista e com os aportes
mais modernos e rigorosos da ciência lingüística,
considera que o idioma galego pertence por razom natural e objectiva
ao sistema lingüístico galego-português. Alto
Minho propugna, pois, a reintegraçom do idioma no sistema
que lhe é próprio.
FINS DA ASSOCIAÇOM
1º. Defesa da cultura
nacional, tentando promover quaisquer actividades culturais que
te-nham essa finalidade abrangendo a língua, a literatura,
a história, a música, a gastronomia, as artes e demais
elementos que constituem a nossa identidade.
2º. Fomentar o uso, estudo e promoçom da língua
própria do povo galego de maneira a que se consiga na Galiza
o seu emprego normal.
3º. Trabalhar para estabelecer no idioma galego a normativa
escrita de carácter reintegracionista, científica
e independente, que cubra os diversos aspectos da língua,
quer dizer, o ortográfico, o morfo-sintáctico e o
léxico.
A língua pública da 'Associaçom Cultural
Alto Minho' é a norma fixada pola 'Associaçom
Galega da Língua', sem menoscabo de que se podam desenvolver
dentro da associaçom outro tipo de opções normativas.
|
